CNN: Tramp İsrailin İrana qarşı yeni hücumlarını dəstəkləyəcək

ABŞ prezidenti Donald Tramp Tehranın raket inkişafını və nüvə proqramını davam etdirəcəyi təqdirdə İsrailin İrana qarşı yeni hücumlarını dəstəkləməyə hazır olduğunu bildirib.

Bu barədə "CNN" məlumat yayıb.

Qeyd olunur ki, bu açıqlama İsrailin Baş naziri Binyamin Netanyahu ilə danışıqlar ərəfəsində verilib.

"Eşidirəm ki, İran nüvə proqramını məhv etməyə çalışır. Əgər onlar bunu etsələr, biz də onu məhv etməli olacağıq", - deyə Tramp əlavə edib: "Biz onları məhv edəcəyik. Amma ümid edirəm ki, bu baş verməz".

Ağ Ev rəhbəri İranın gələcək silah hərəkətlərinin yeni hücumlar üçün bəhanə ola biləcəyini aydınlaşdırıb.

Məlumata görə, İsrail İranın yenidən vurulması ilə bağlı mümkün ssenarilər barədə ABŞ tərəfini məlumatlandırmaq niyyətindədir.

Təl-Əviv Tehranın iyun ayında ABŞ-ın zərbələri nəticəsində zədələnmiş uran zənginləşdirmə qurğularını bərpa etməyə başlamasından narahatlığını bildirir.

Bundan əlavə, İsrail hakimiyyəti İranın ballistik raket istehsalını bərpa etmək və hava hücumundan müdafiə sisteminin elementlərini təmir etmək cəhdlərini daha da ciddi təhlükə hesab edir.