Tramp CNN və “New York Times”a "yalançı" dedi

CNN və “New York Times” ABŞ-nin İranın nüvə obyektlərinə hücumunun Tehranın nüvə silahı istehsal etmək qabiliyyətinə tam mane olmadığını iddia edib.

“star” qəzeti xəbər verir ki, sözügedən iddialar ABŞ Prezidenti Donald Trampı qəzəbləndirib. O, CNN və “New York Times”ı yalançılıqda ittiham edib. Bu barədə Tramp “Truth Social” hesabında yazıb:

“Saxta xəbər kanalı CNN, uğursuz New York Times ilə birlikdə tarixin ən uğurlu hərbi hücumlarından birini təsirsiz göstərmək üçün birləşib. İrandakı nüvə obyektinin tamamilə dağıdılıb. Həm NY Times, həm də CNN ictimaiyyət tərəfindən sərt şəkildə tənqid olunur”,- deyə ABŞ lideri qeyd edib.

Qeyd edək ki, ABŞ-nin B-2 bombardmançı təyyarələri və sualtı qayıqlarının İranın üç nüvə obyektinə zərbələr edib. Hücumlardan sonra Tramp müxtəlif platformalarda Tehranın nüvə potensialının tamamilə məhv edildiyini açıqlayıb.

Ölkədəki bəzi KİV-lər isə bunun doğru olmadığını, sadəcə İranın nüvə işini bir neçə ay geri saldığını yazıb.