Lirə manat və dollar qarşısında ucuzlaşır - Yeni rekord

Bu gün Türkiyə lirəsinin Azərbaycan manatı qarşısında rəsmi məzənnəsi 0,1747 manat olub. Bu isə yeni tarixi minimum hesab olunur.

“Bu, ötən rəsmi məzənnə ilə müqayisədə 2,1% azalma deməkdir.

Xatırladaq ki, indiyədək (denominasiyadan sonra) lirənin manata qarşı ən yüksək dəyəri 2008-ci ilin yanvarın 15-də qeydə alınıb. Bu isə 0,7363 manat təşkil edib.

Qeyd edək ki, Türkiyə Mərkəzi Bankının uçot faiz dərəcəsini növbəti dəfə azaldaraq 16%-ə endirməsinin ardından lirə ucuzlaşmaqda davam edir. Belə ki, xarici birjaların açılması ilə dollar 9,77 lirə səviyyəsinə qədər yüksəlib.

Türk lirəsinin bu il ərzində 24% dəyər itirdiyi qeyd olunur.