Rusiyada azərbaycanlılara yeni «soyğun» planı: Putin müharibənin xərcini miqrantlara yükləyir

Rusiyada xarici vətəndaşların ciblərinə daha dərindən girmək üçün yeni mexanizm hazırlanır.

Bu gün Rusiya hökumət komissiyasında miqrantlara əlavə rüsumların tətbiqi ilə bağlı qanun layihəsi müzakirə olunacaq.

Yeni təklifə görə, artıq miqrasiya sənədlərinin dublikatının verilməsi xaricilərə pulsuz başa gəlməyəcək — bunun üçün 2 min rubl (təxminən 43 manat) ödəmək tələb olunacaq. Halbuki indiyədək bu xidmət tamamilə pulsuz idi.

Daha sərt zərbə isə əmək bazarında çalışan miqrantlara dəyəcək. Belə ki, Rusiyada işləmək icazəsinin müddətini uzatmaq və ya patent almaq istəyənlər üçün rüsum 4,2 min rubl (təxminən 91 manat) təşkil edəcək.

Eyni zamanda avtomobil sahiblərinə də əlavə yük düşəcək: sürücülük vəsiqələrinin rüsumlarının iki dəfə, PTS sənədlərinin isə 1,5 dəfə artırılması nəzərdə tutulur. Əgər qanun layihəsi qəbul olunarsa, bu dəyişikliklər 1 sentyabrdan qüvvəyə minəcək.

Beləliklə, Rusiya iqtisadi problemlərini miqrantların hesabına həll etməyə daha açıq şəkildə yönəlir, onların sosial və hüquqi yükünü kəskin artırır.