Prezident Ərdoğandan seçki hazırlığı təlimatı

Türkiyə Prezidenti Rəcəb Tayyib Ərdoğan yeni seçkilərə hazırlıqla bağlı komandasına və hakim AK Partiyasına müvafiq tapşırıqlar verib.

AK Partiyası yeni seçki kampaniyasına 14 avqustda, 25-ci ildönümündə başlamağa hazırlaşır. Seçkiyə hazırlıqla bağlı Prezident Ərdoğanın kabinet üzvlərinə müxtəlif əyalətlərdə yarımçıq qalmış investisiyaları tamamlamağı tapşırdığı məlum olub.
AK Partiyanın "strategiya komandası" seçkilər üçün yeni yol xəritəsi müəyyən edərkən, kabinet üzvləri millət vəkilləri ilə qruplar halında deyil, əyalət-əyalət görüşlər keçirirlər. Xəzinədarlıq və Maliyyə naziri Mehmet Şimşekin rəhbərlik etdiyi kabinet üzvləri hər həftə fərqli əyalətlərdən olan millət vəkilləri ilə görüşürlər. Millət vəkilləri seçicilərinin problemlərini, yarımçıq qoyulmuş investisiyaları və təcili olaraq tələb olunan sorğuları müvafiq nazirə çatdırırlar. Planlaşdırılan investisiyalar bildirilir və Prezident Strategiya Ofisinə təqdim edilir.

AK Partiyası daxilində ənənə halını alan, xüsusən də kabinet üzvləri ilə keçirilən məsləhətləşmə görüşləri indi fərqli bir formatda davam edəcək. Nazirlər millət vəkilləri ilə qrup şəklində görüşmək əvəzinə, onlarla əyalət-əyalət görüşəcəklər. Məqsəd, millət vəkillərinin əyalətlərindən və seçicilərindən toplanan şikayətləri, sorğuları və regional layihələri birbaşa müvafiq nazirlərə çatdırmaqla icra nazirliklərinin yerlərdəki tələblərə tez cavab verməsini təmin etmək və bununla da həll prosesini sürətləndirməkdir.