Hakan Fidan: Müharibə artıq genişlənib, Avropaya keçə bilər

"Avropa Ukraynaya bəzi çətin seçimlər etməkdə kömək etməlidir... Böyük itkilərin qarşısını almaq üçün, yəni daha böyük xeyir naminə, burada baş verə biləcək fəlakətin qarşısını almalı, şəri aradan qaldırmalıyıq... Buna görə də seçim edilməlidir. Bilirəm ki, bu, onlar üçün çətindir. Torpaq məsələsi xüsusilə mürəkkəbdir. Allah heç kimə belə bir şey yaşatmasın".

“CNNTurk” xəbər verir ki, bunu Türkiyə xarici işlər naziri Hakan Fidan bəyan edib.

O əlavə etdi ki, təhlükəsizlik zəmanətləri ilə bağlı tələblər hələ də mövcuddur və bunun da asan olmadığını bildirib. Nazir Hakan Fidan müharibənin coğrafiyasının genişlənməsindən narahat olduğunu bəyan edib:

“Müharibə artıq Qara dənizə yayılıb. Hazırda onlar Qara dənizdə ticarət gəmilərinə və tankerlərə hücum edirlər. Buna görə də, müharibə davam edərsə, o, başqa yerlərə, Avropanın digər hissələrinə də yayılacaq”.