"Rusiya və Ukrayna sülh sazişinə hazır deyil"

Rusiya-Ukrayna münaqişəsində tərəflərdən heç biri sülh razılaşmasına nail olmaq istəmir.

Bu barədə ABŞ-nin vitse-prezidenti Cey Di Vens (J.D. Vance) “Newsmax”a müsahibəsində deyib.

Onun sözlərinə görə, nə Rusiya, nə də Ukrayna hələlik razılığa gəlməyə hazır deyil:

“Birləşmiş Ştatlar Prezidentinin güclü diplomatiyası insanları kompromislərə gətirə bilsə də, son nəticədə razılığa gəlməyə hazır olan iki tərəf olmalıdır.

Məncə, gözləntilərin əsaslı uyğunsuzluğu var, burada ruslar döyüş meydanında əslində olduğundan daha yaxşı olduqlarını düşünürlər”.

Bundan əvvəl ABŞ prezidenti Donald Tramp əvvəlki açıqlamasında, Rusiya prezidenti Vladimir Putinlə keçirəcəyi görüşün böyük ehtimalla sülhə gətirib çıxaracağını bildirib. O, həmçinin əlavə edib ki, iki həftə ərzində Rusiya prezidenti ilə Budapeştdə görüşə bilər.