“Alyaskadakı danışıqlarda güzəştlər olsa da...” — Pentaqon rəhbəri DETALLARI AÇIQLADI

ABŞ müdafiə naziri Pit Heqset Fox News telekanalına verdiyi müsahibədə yaxın gələcəkdə Alyaskada keçiriləcək danışıqlar barədə fikirlərini bölüşüb.

Nazir bildirib ki, hazırda münaqişənin sülh yolu ilə həllinə yönəlmiş danışıqlar mərhələsində mütləq müəyyən ərazilərin mübadiləsi və güzəştlər olacaq. Lakin o, vurğulayıb ki, bu güzəştlərdən heç bir tərəf tam məmnun qalmayacaq:

“Danışıqların bu mərhələsində bəlkə də ərazilərin mübadiləsi, qarşılıqlı güzəştlər həyata keçiriləcək. Amma nəticədə heç kim bundan tam razı qalmayacaq. Lakin belə mürəkkəb məsələləri həll edə biləcək yeganə şəxs Donald Trampdır.”

Pit Heqsetin bu açıqlaması ABŞ-ın danışıqlara yanaşmasında sərt, real və eyni zamanda tək ümidin keçmiş prezident Trampda olduğunu göstərir. Nazir sülh prosesinin asan olmayacağını və hər iki tərəfin itkilərini qəbul etməli olduğunu qeyd edib.

ABŞ-ın müdafiə naziri kimi Heqsetin sözləri, ABŞ administrasiyasının münaqişənin həlli prosesindəki mövqeyinin mürəkkəbliyini və kompromislərə hazır olduğunu nümayiş etdirir.