Əflatun Amaşov: “Fərdi sirlərin cəmiyyətə çatdırılması kimi səhvlər mətbuatda təkrarlanır” – VİDEOMÜSAHİBƏ

Azərbaycan Mətbuat Şurasının sədri, Milli Məclisin deputatı Əflatun Amaşov musavat.com-a müsahibəsində mətbuatın bugünki durumunu dəyərləndirib.

Ə.Amaşov ən çox qətl, zorakılıq, intihar və bu cür neqativ hallarda mətbuatın İP qazanmaq naminə olayları detalları ilə işıqlandırmasını yolverilməz hesab edib.

Onun sözlərinə görə, bu cür halların ən çox rast gəlindiyi Qərb ölkələrində artıq mətbuat qətl və intihar xəbərlərini tirajlamır və neqativ informasiya ilə cəmiyyəti yormur. Azərbaycan mətbuatında da yenidən velosiped kəşf etməyə ehtiyac yoxdur və biz də bu yolu izləməliyik.

MŞ sədri həmçinin mətbuatda azyaşlılarla bağlı infromasiyaların, insanların şəxsi həyatına aid məlumatların, fərdi sirlərin paylaşılmasını da tənqid edərək, bu kimi problemlərin hələ də təkrarlandığını qeyd etdi.

Mətbuatın sosial şəbəkələrə rəsmi mənbə kimi istinad etməsinə toxunan Ə.Amaşov burada peşəkarlıq prinsiplərinə əməl etməyin vacibliyini vurğuladı.

Daha ətraflı təqdim etdiyimiz videomüsahibədən izləyə bilərsiniz.